ارضروم یاخود (ارزن الروم) — اناطولینك جهت شمالیسنده
و فرات نهرینك منبعی جوارنده و قارلی طاغ دنیلان یوكسك طاغك اتكنده
بر بیوك شهردر. بو شهر (٤١٥ م) تاریخنده ایمپراطور تئودوس معرفتیله
انشا اولنوب اون برنجی عصر میلادیده سلچوقیلر یدینه و (١٥١٧ م و ٩٢٣ ه)
تاریخنده دولت عثمانیه یدینه کچدی و (١٧٢٨ م ١٢٤٤ ه و ١٢٩٣ ه)
تاریخنده روسیه ضبط ایدوب ینه اعاده ایلدی.
ارضروم اهالیسی یوز بیكدن متجاوزدر و درون شهرده اون ایكی جامع
شریف اولوب حمام و مكتب و كلیسالری و پازار یرلری و كاربانسرالری مکمل
ایسه ده سوقاقلری طار و غیر منتظمدر و خارج شهرده و یارم ساعت مسافه+ده
واقع (عبدالرحمن غازی) تربه+سی مشهور بر زیارتكاهدر. امید برونی
كشف اولنمزدن اول ارضروم اوروپا ایله آسیا بیننده بر بیوك تجارتكاه ایدی.
ارضرومده قیشك اك شدتلی وقتنده میزان الحراره صفردن اوتوز درجه+یه
قدر تنزل ایدر. غلطات حفیدیده ارضروم رومك اك یوكسك یری معناسنه
)اولان (ارزن الروم) دن غلط اولدیغی یازیلمشدر. ارضروم شهرینك
موقعاً سطح بحردن درتبیك ذراع یوكسك اولمسنه باقیلور ایسه اشبو یازیلمشك
صحیح اولدیغی اكلاشیلور