ارض — ژئولوژی یعنی طبقات الارض فننك خبر ویردیكی
وجهله جوفی نار و اوزری قشر مقامنده انواع معادنك مكمنی اولان تراب
و احجار ایله مستور بر كرە+در.
اشبو ارض سیارات مشهوره+دن بری اولدیغی حالده شكلاً كره+یه قریب بر
جسم اولوب قطبلرندن مرور ایدن محوری اطرافنده تقریباً یكرمی درت ساعت
ظرفنده اجرام سماویه+نك حركات ظاهریه+لری كبی حركت یومیه+سنی اجرا ایدر.
ارضك محور دورانیسنك استقامتی محور عالمه منطبق و قطب نقطه+لری ثابتدر.
ارض دائرۀ استواسندن اعتباراً شمالی و جنوبی ناملریله ایكی قسمه منقسم
اولدیغی كبی دائرۀ مذكوره+یه عمود اولمق اوزره ) نصف النهار) دائره+لری+نی
و موازی اولمق اوزره دخی (عرض) دائره+لرینی و مدارینی و منطقه
بروجی حاویدر.
و شكلنده قطبلر طرفنك باصیق اولمسی جهتله تام كره اولمامسی نصف النهاردن
بر درجه+لك قوسك طولنك عرضلر تزاید ایتدکچه او نسبتنده تزاید ایتدیكی
یعنی نصف النهار مزبور بر دائره اولمیوب قطع ناقصه قریب بر منحنی ایدوكی
بالمساحه اكلاشلمشدر.
نصف النهار محیطنك طولی قرق ملیون مترو اولدیغی كبی خط استواده+كی
نصف قطری (٢٣٧٧٠٠٠) مترو و قطبلرده+كی نصف قطری دخی (٦٣٥٦٠٠٠)
مترو اولمغله خط استوا نصف قطریله قطبلر نصف قطری بیننده اولان
)٢١٠٠٠) مترو فرقدن ارضك باصقلغی مقدارینك قرق ایكی كیلومترو
اولدیغی نمایان اولور.
ارض اوزرنده بولنان نقاطدن اك یوكسك نقطه+نك ارتفاعی سطح بحردن
اعتباراً طقوز بیك مترو و چقورلردن اك دریننك عمقی اوچیوز مترودر و بو
مقدار ارتفاع ارضك قطرینه نسبةً هیج مثابه+سنده+در و ارضك تكمیل
سطحی بشیوز اون ملیون كیلومترو مربعنده اولوب بوندن اوچیوز سكسان
اوچ ملیون كیلو مترو مربعی محلنی دكزلر قابلامش و باقی یوز یكرمی یدی
ملیون كیلو مترو مربعی محلی دخی قاره بولنمشدر.
و دكزلرك عمق اعظمیلری بحر محیط شمالیده اون درت بیك و بحر محیط جنوبیده
اون بیك درتیوز و بحز اوقیانوسده یدی بیك مترودر و قوۀ عن المركز
و قوۀ الی المركز ناملریله ایكی قوتی حائز اولوب قوۀ الی المركز قطبلرده موجود
و قوۀ عن المركز خط استوایه طوغری متزاید اوله+رق مشهوددر كتب
فقهیه+دن فتاوای زینیه+ده كونش غروب ایتدكده نرە+یه كیدر سؤالنه دائما
بر قومك اوزرندن غروب و دیكر قومك اوزرینه طلوع ایدرك دور ایدر
جوابی ویرلمش و كلیات فقهده بری چینده و دیكری اصفهانده اولان ایكی
برادرك رمضانك برنجی كونی وفاتلری وقوعبولسه قنغیسی قنغیسنك میراثنی
آله+بیلور سؤالنه اختلاف اوقات طلوع حسبیله اصفهانده وفات ایدن چینده
وفات ایدن وارث اولور جوابی اعطا اولنمش اولمغله ارضك كرویتی شرعاً
دخی ثبوت بولمشدر