لغات تاریخیه و جغرافیه

Lugat-ı Tarihiyye ve Coğrafiyye

آرشمبد

Arşimed

آرشمبد — قدمای ریاضیوندندر. بو ذات سجلیاده واقع سیراقوز شهرنده دنیایه كلوب بعد البلوغ تحصیل علم آرزوسیله اسكندریه+یه عزیمت و حكمای مشهوره+دن (اقلیدس)ك درسنه مداومت ایلدی و فنون ریاضیه و سائره+ده ید طولا صاحبی اولوب مصر سفلانك نیلدن حاصل اولان بطاقلقلرینی تطهیره موفق اولدی و سجلیایه عودتنده مملكتنی یونانلی )مارسه+لر) نام قپودان مشهورك تحت محاصره+سنده بولدیغندن انی دخی معارف سایه+سنده ایكی سنه اشغال ایلدی شویله كه دشمن سفینه+لرینی هوایه قالدیروب ینه دوشورمك اوزره یاپدیغی آلتلر و سفاین مذكوره+یی حرارت شمسله یاقمق ایچون ایجاد ایتدیكی قطع مکافی آیینه+لر واسطه+سیله قپودان مرقومی عاجز براقدی و اك صكره اعدا غلبه و مملكتی یغما ایدركن برقاچ یغماجی مرقوم آرشمبدك خانه+سنه كیروب بیچاره+یی یازو خانه+سی اوزرنده اعدام ایتدی. شوراسی غریبدركه یغماكرلر پر سلاح مرقومك خانه+سنه كیردكلری زمان. ومی الیهی علوم ریاضیه+دن بر مسئله+نك حلیله مشغول و استیلادن بیخبر بولوب مالنك نره+ده اولدیغنی سؤال ایتدكلرنده آزاجق صبر ایدك شو مسئله+یی حل ایده+یم دیدی. آرشمبدك علوم ریاضیه و هندسیه+یه دائر كشف ایتدیكی شیلر پك چوق و مهمدر و مانوله+نك قوتنه دائر وقوعبولان بر مباحثه اثناسنده اكر بن بر نقطۀ استناد بولسه+م كرۀ ارضی قالدیرر ایدم دیمشدر. بر دفعه حمامده ایكن مایعاتك كثافتنی اولچمك ایچون بر طریق خاطرینه كلدكده زیاده+سیله سونجندن چیرچپلاق حمامدن سوقاغه اوغرایوب اره+دیغمی بولدم دیو باغرمغه باشلادی وفاتی (٥٣٨٢ خ) تاریخنده یعنی میلادك ایكیوز اون ایكی سنه مقدمندە+در.