ماسقاره — جزایرده (اوران) دنیلان (وهران) ولایتنده
ساحلی بر شهر مستحكمدر و نام صحیحی (مسخاره)در بر قاچ جامع شرف
و بورنوس و قلیج دستكاهلری واردر و یدی بیك قدر نفوسی حاویدر شهر
مزبور و ملحقاتنی فرانسزلر (۱۸۳۵ م و ۱۲۵۱ ه) تاریخنده امیری شیخ
عبدالقادردن حرباً ضبط ایدرك ایكی سنه صكره (تافنا) معاهده+سی
موجنجه شیخ مومی الیهه ترك ایلدیلرسه ده بو ترك اهالی+یی بردن بره
اوركوتمامك ایچون بر زمین اولدیغندن درت سنه صكره یعنی (١٨٤١ م و ۱۲۵۷ ه) تاریخنده تكرار آلدیلر و شیخ مومی الیهی بش التی سنه فرانسه+ده
حبس ایدوب اندن صكره موافقتیله ممالك دولت علیه+یه كوندردیلر (عبدالقادر) كلمه+سنه نظر بیوریله