مادراس — هندستانده بر شهردر بو شهر مادراس ایالتنك
مركزی اولوب قورومندیل ساحلی اوزرنده واقع و پوندشیرك شمالندن
یوز اوچ و قالكوته+نك جنوب غربیسندن بیك التی یوز اوتوز كیلو متروده
و بیاض و سیاه قصبه+لر یله برابر بشیوز بیك نفوسی جامعدر اطرافنده
بولنان اراضی غایت قوراق اولدیغندن قابل زراعت دكل ایسه ده نباتات
باغچه+لری و صناعتی و باخصوص اقمشۀ قطنیەسی رواجلیدر تجارتی
واسع اولوب اینجو صدف چوید خام پموق توتون اخراچ ایدر و متعدد
غزته+لر چیقار. جوامع و كلیسا و پتخانه و رصدخانه+سی مكملدر. مادراس
وقتیله هند حكومتلرندن بری اولان (قارناتیق)ك مقری ایدی صكرە یعنی (۱۶۳۹ م و ۱۰۴۹ ه)ده انكلیزلره كچدی كه الیوم انكلیزلرك هندجه برنجی
مستملكاتی عد اولنور