آرشاق — ارمنستان حكمدارلرندندر. ایران حكمداری
ایكنجی شابور ارمنستانی ضبط ایتدیكی زمان مرقومی دخی طوتوب برچوق
معتبران ایله زنجیر بند اوله+رق ایرانه كوتورمش و معتبران مومی الیهی
قازقلیه+رق اعدام ایدوب مرقوم ارشاقی زندانه آتمش ایدی بیچاره بر
مدت زندانده اوتوروب اجرا اولنان اذا و جفایه تحمل ایده+مدیكندن
٣٨١ م) تاریخنده كندو كندوسنی بتوردی و مرهوناً استانبولده
اولان و خرستیانلغی قبول ایدن اوغلی (باب) تخت موروثنه مالك اولمق
اوزره بر مقدار روم عسكریله ارمنستانه كتدیسه ده هنوز خرستیانلغی قبول
اتمیان ارمنیلر قبول اتمدیلر و محاربه ایدر ایسه مدافعه اتمك اوزره بربرلریله
عهد و میثاق ایدوب حین محاصره+ده ذخیره+جه مضایقه چكلمامك ایچون
قاریلرینی قلعه قپولرینه و برجلرینه اصدیلر لكن بو تدبیرلرك هیج بریسی
مرقوم بابك قلعه قپوسندن دخولنی منع ایده+مدی. شابورك مرقوم
ارشاق وارمنیلر حقنده ایتدیكی ظلم و تعدی خرستیانلغی قبول اتمدكلرندن
ایلرو كلمش ایدی