آرسنیق — خواص حكمیه+سنه نظراً معدنیاته مشابه ایسه ده
مركباتنك فوسفور مركباتنه مماثل اولمسی جهتیله معدنیاتدن معدود دكلدر.
بعض محللرده كوكرت ایله ممزوج یعنی صاری ویا قرمزی زرنیخ
حالنده و بعضاً معادندن (قوبالت) و حدید ایله ممزوج اوله+رق بولونور.
و بعض میاه معدنیه+ده دخی اولور و غایت منكسر اولمغله سهولتله سحق
اولنور و هواده و صوده ترك اولندیغی حالده مولدالحموضه+یی جذب
ایدر و اوچ یوز درجه حرارتده اریمكسزین طیران ایلر و ینار کمور
اوزرینه وضع اولنسه بلا اذابه تبخر ایلر و صارمساق قوقوسنه شبیه
بر قوقو ویرر و مولدالحموضه ایچنده تسخین ایدلسه بالامتزاج یشیل
رنكلو بر شعله ایله اشتعال اكله (حامض آرسنیق) یعنی صیچان اوتی
حصوله كلور بونك هیج بر لذتی یوقدر و صوده حلی ممكن دكلدر
و ثقلت اضافیه+سی (٧ :٥)در.
رصد دوربینلرینی اشبو ارسنیق ایله اعمال ایدرلر.