لغات تاریخیه و جغرافیه

Lugat-ı Tarihiyye ve Coğrafiyye

لیبریا

Liberya

لیبریا — کینۀ شمالیده واقع امریقا مستملكاتندن اولوب انكلیز مستملكاتندن سیرالئون و پالماس بورنی بیننده واقع و اوچ یوز بیك نفوسی جامعدر مقری مونروویا شهریدر بوراسی امریقای مجتمعه طرفندن اطلاق اولنان سیاه اسرایی اسكانه تخصیص ایدلدیكندن سربست یری معناسنه اولەرق لیبریا تسمیه ایدلمشدر اشبو مستملكات (۱۸۲۰ م و ۱۲۳۶ ه) ده تأسیس اولندی (۱۸۳۸ م)ده بر قانون اساسی وضع ایدوب اشبو قانونی سنۀ مزبور طرفنده انكلیز و فرانسز و بلچیقا دولتلری دخی تصدیق ایلدیلر بو قطعەیه ذخیره ساحلی دخی دیرلر