لغات تاریخیه و جغرافیه

Lugat-ı Tarihiyye ve Coğrafiyye

لئونیداس

Leonidas

لئونیداس — جماهیر یونانیە+دن اسپارت قرالیدر عجملرك یونانستانه هجومده آتنه+لیلرله متفق اولدیغندن یدی بیك كشی ایله ترموپیل دربندینی بكلمكده ایدی فارس پادشاهی سرخس عساكر كلیه ایله دربند مذكوره كلوب (اكر بكا تسلیم سلاح و اطاعت ایدرسك سنی عموم یونان قرالی نصب ایدرم) دیەرك خبر كوندرمسی اوزرینه (سلاحمی كل ده ال سكا خدمت ایتمكدن وطنم ایچون اولمك خیرلودر) جوابیله مقابله ایدوب (۵۱۱۴ خ) تاریخنده یعنی میلادك درتیوز سكسان سنه مقدمنده عسكریله برابر محو اولنجه+یه قدر چالشمشدر لئونیداس غایت حمیتمند و غیرت و شنجاعتده بیمنند بر ذات ایدی معیتنده بولنان عسكر كندولرینك برقاچ بیك قاتی اولان فارسلولردن اوركوب دشمن پك چوق مزراقلری كونشی طوتمش دیملرینه جواباً مومی الیه (اشته دها اعلا یا حاضر كولكەده محاربه ایدرز) دیمشدر