ارسطو یاخود (ارستطالیس) — حكمای یونانیه+دندر.
مسقط رأسی ماكیدونیا اولوب حال شبابنده پدرینك دوستی اولان
)پروفنوس)دن مقدمات فنونی تحصیل و بر مدت عسكرلك و براز وقت
مسك یاغجیلق ایتدكدن صكره آتنه+یه عزیمت و افلاطونك درسنه یكرمی
سنه مداومت و ینه ماكدونیایه عودت ایدوب ماكدونیا قرالی فیلیبک
التماسیله اوغلی اسكندره خواجه اولدی و بعده ینه آتنه+یه كیدوب
یكی یاپیلان و مؤخراً مكتب (مشائیون) تسمیه اولنان مكتبك خواجه+لكنی
قبول و بر خیلی مدت علوم حكمیه تدریس ایتدی و اسكندرك وفاتندن
صكره برطاقم حسودلرك القاآتیله اتهام اولندیغندن آغریبوزه صاوشوب
بر مدت دخی اوراده تدریس ایله مشغول اوله+رق ) ٥٢٧٢ خ) تاریخنده یعنی
میلادك اوچ یوز یكرمی ایكی سنه مقدمنده وفات ایلدی. مومی الیهك
علم حكمت و اخلاق و كلام و ثروت و حیوانات و تناسل و علایم السمایه و كون
و فساد عالمه و احوال روحه دائر اولان تألیفاتندن اكثریسی موجوددر
بونلرده و علم منطق و فلسفه+ده اخلافنی كركی كبی تدقیقاته مجبور ایتمشدر.
عدم و ماده و صورتك مبداء اشیا اولدیغنه و عالم كون و فسادده
اولان هر شئ عناصر اربعه+دن ظهوره و كلدیكنه و جناب واجب الوجود
بر مركز كبی اولوب جمله+نك اكا رجوعنه قائل اولور و دائما كزینه+رك
درس ویردیكی ایچون شاكرداننه (مشائیون) دینور ایدی. قبری
آغریبوزدە+در. اسكندر بوكا پك چوق حرمت ایدر و باعث حیاتم
پدرم ایسه ده شان و شوكتله سوردیكم حكومت ارسطونك سایۀ لطف
و تربیه+سنده+در دیر ایدی