لغات تاریخیه و جغرافیه

Lugat-ı Tarihiyye ve Coğrafiyye

ارستدوم

ارستدوم — یونانستانده واقع (مسه+نیا) قطعه+سی حكمدارلرندندر مومی الیه (٤٨٥١ خ) تاریخنده یعنی میلادك یدی یوز قرق اوچ یاخود قرق درت سنه مقدمنده قومشوسی اولان اسپارتلولرله آچدیغی محاربه+ده مغلوب اوله+جغنی حس ایلدیكندن هاتف غیبه مراجعت ایدوب (قرال فاملیاسندن بر كنج قز قربان ایدیلور ایسه غلبه میسر اوله+بیلور) جوابنی الدقده كیفیتی متعلقاتنه خبر ویردی و اویله بر قز بولنمسنی امر ایلدیسه ده كمسه قزینی فدایه موافقت ایتمدیكندن سكز اون یاشنده اولان كندو كوزل قزینی بیراملق اثوابلرینی كینمش اولدیغی حالده حضور اهالی+یه چیقاره+رق براز اوخشایوب اغلادقدن صكره ذبح ایلدی لكن ایش هاتف غیبك یعنی پاپاس دوزنبازلرینك دیدیكی كبی چیقمیوب )مسه+نیالیلر ینه اسپارتلولره مغلوب اولدی مرقوم ارستدوم بر كیجه رؤیاسنده مظلومۀ مرقومه+یی دهشتلی بر صورتده كوردیكندن قیزی اوزرینه كیدوب بر مدت بكا و اظهار ندامت و استعفای قصوردن صكره كندو كندوسنی دخی اوروب قزینك یاننه كیتدی و ملتی بیننده بو صورتله ابقای نام ایتدی. یونانیلر بونك اشبو فداكارلغنه قارشو بر حرمت محصوصه اولمق اوزره آرخونلق مسندینی احداث و اوغلنه اعطا ایتمشلردر (آرخون) كلمه+سنه نظر بیوریله .