لغات تاریخیه و جغرافیه

Lugat-ı Tarihiyye ve Coğrafiyye

لوتر

Luter

لوتر — المانیاده سربستئ مذهب افكارینی یعنی پروتستان مذهینی میدانه چیقاران ذاتدر (١٤٨٣ م و ٨٨٨ ه)ده ساقس+ده ایسلبین شهرنده تولد ایلدی (١٥١٧ م و ۹۲۳ ه) تاریخنده پاپا بولنان اوننجی (لئون) المانیایه عفو و غفران معنوی+یی مبشر اولەرق بر كاغد كوندروب فقط بونده مغفرتی ایكی فرقه اولان المانیا اهالیسندن یالكز دومنیكنلرە تخصیص ایلدیكندن فرانسسكنلر كمال درجه منفعل اولمشلر ایدی بونلر بو وقوعات اوزرینه كندو فرقه+لرینه داخل اولان (لوتر)ی دلیل اتخاذ ایدرك پاپانك معاملۀ واقعه+سنی رد و تزییفه باشلادیلر لوتر دخی بونی فرصت عد ایدرك پاپانك خلافنده طقسان بش تكالیف مذهبیەیی شامل بر جدول اعلان ایتدی و بونك اوزرینه المانیاده بولنان پاپا وكیلی لوتری چاغرتەرق تكالیف مذكوره+سندن رجوعنی بیان و تكلیف ایتدیسه ده لوتر بوكا بر درلو احتمال ویره+مدیكندن فراره مجبور اولوب بالاخره ساقس الیكتوری حمایه+سنده بولندیغی حالده (۱۵۲۹ م و ۹۳۶ ه) تاریخنده مذهبنی كمال جسارت و سربستی ایله تكرار اعلان و تذكاره باشلادی بونك مذهبنه (لوتریەن) دیرلر
باشلیجه اعتراضاتی روما كلیساسنه و پاپایه و مناسترلره نذز ایتمك كبی شیلره و پاپاسلرك تأهل ایتماملرینه و هیئت رهبانیه مراتبنه و رهبان هیئتنك اموال دنیویه+یی تصرفنه اعتقاد مثللو عقائد خرستیانیه اوزرینه+در (عقائد كلمه+سنده یكرمی برنجی نمرویه دخی مراجعت بیوریله) پولیس و پتروس كبی قدمای خرستیانیه+یه احترام و رعایتی دخی رد ایلمشیدی
اوننجی لئون (۱۵۲۰ م و ۹۲۷ ه)ده لوتری آفروز ایلدیسه ده لوتر بوكا اهمیت ویرمدكدن بشقه مقابلنده اولوقته قدر پاپا طرفندن صادر اولوب نزدنده بولنان اوراقی لاجل النحقیر آتشه یاقدی و مؤخراً تكرار مجبور فرار اولە+رق حامیسی بولونان ساقس الیكتوری نزدنده طقوز آی اختفا ایدی و بو ایام اختفاده عمرینی بوشنه كچورمیوب اختراع ایتدیكی مذهب جدیدینه دائر بر طاقم كتابلر یازدی و ایام احتجابی آتلاتدقدن صكره (وتنبرغ)ه تكرار كیرە+رك اوراده وعظ و نصایحی اوزرینه برچوق طرفدارلر قزاندی كه بونلرك ایچنده اسوج دانمارقه براندبورغ هس حكمدارلری كبی بر طاقم بیوك ذوات دخی بولنمقده ایدی بناء علیه لوتر بو قوتلی طرفدارلرینك سایەسنده كندو مذهبد اشلرینك حریتنی میدانه قودی مومی الیه فطرةً غضوب و حدید مشرب اولدیغندن خصماسنی تحقیردن چكنمز ایدیسه ده اهالی حقنده غایت فصیح و بلیغ بر خطیب عدیم الاقران ایدی برچوق تألیفات براقمشدر