لسان — كندو قطعۀ ثابتە+سیله جدار سفلئ فمك قسم اعظمنی
تشكیل و قطعۀ متحركه+سیله جوف فمده تموج ایدن لحم پارۀ مباركك اسمیدر
لسانك وظیفه+سی پك چوق اولوب جملەدن بلع و تقطیع اصواتده+كی خدمت
و سرعتی حیرت افزای عقول و قدرت صمدانیە+یی اثباته بر برهان معقولدر
عضو مذكورك فك اسفلی حوالیسنده و هر جانبنده (لعاب) اسمیله متعارف
بر مایعی افراز ایتمكه مخصوص اوچ عدد (غده)+سی بولنور
علمای فن طبدن (ورنیه) و (غیوت) و (ادمیرولت) نام كمسنه+لرك
تجربه+لرندن استنتاج اولندیغنه كوره حس ذوق قسم خلفئ لسانده یعنی
ثقبۀ عورانك خلفنده و بتون محیطنك ذروه+سنده مستقر و وجه ظهرینك
وسطی ایله وجه سفلیسی یالكز حس عمومی ایله مزیندر