لبنان — لسان عبرانیده بیاض دیمكدر. سوریه+ده بر سلسلۀ
جبالدر. حلب ولایتنك جنوب غربیسندن و انطاكیه جوارنده عاصی
نهرینك صول جناحی قربندن بداً ایله دمشق و طرابلس شام اراضیسنی
یكدیكرندن تفریقی و عكانك شمالندن مرور ایدرك صیدایه قریب محلده ختام
بولور امتداد طولیسی درت یوز اللی كیلومترودر. لبنان طاغی ایكی
شعبه+یه منقسمدر. برنجی شعبۀ غربیه+در كه اصل لبنان ایكنجی شعبۀ شرقیه+دركه بوكا جبل شاهق دخی دیرلر لبنانك اك مرتفع تپەلری درت بیك
سكز یوز مترویه قدر واصل اولور بو ایكی شعبۀ جبال بیننده كائن
وادیلره وقتیله سلیسیری ویا چقور سوریه دیرلر ایدی. بوراسی اولوقت
چام اغاجیله مشهور اولدیغی حالده شمدی بوندن خالی اولوب یالكز انجیر
دفنه میشه سروی اغاجلری بولنور. لبنان بربرلرینه متمادیاً محارب بولنان
مارونیلر درزیلر متوالیلر وسائره ایله مسكوندر. خیلی زمان شهاب الدین فاملیاسی طرفندن اداره اولندی كه بونلرك صوكنجیسی امر بشیر ایدی
لبنانده موجود اقوام
| عدد |
| ٢٦٠٠٠٠
٥٨٠٠٠
٤٧٠٠٠
١٦۰۰۰
۰۲٥۰۰
۰۱۰۰۰ |
مارونی
درزی
ملكی و روم
متوالی
سنی اسلام
یهودی
|
| ٣٨٨٥۰٠ |