لغات تاریخیه و جغرافیه

Lugat-ı Tarihiyye ve Coğrafiyye

لاهور

Lahor

لاهور — هندستانده (رای) نهری اوزرنده لاهور ایالتنك مقری بر شهر اولوب قالكوتە+نك شمال غربیسندن ایكی بیك بش یوزكیلو متروده طقسان بش بیك نفوسی جامعدر. اشبو شهر مقدملری غایت معمور اولدیغی حالده الیوم آثار خرابیسی زیاده+جه كورینور مع مافیه اسلحۀ حریریه و اقشۀ قطنیه وسائر كارخانه+لری واردر. جهانكیر خان ایله نورجهان نام زوجه+سنك تربه+لری شهرك اطرافنده كورنمكده+در
اسكندر رومی زماننده تأسیس اولنمش اولان قدیم ساغالا شهری بوراسی اولدیغی ظن ایدیلیور. خیلی زمان مغول ایمپراطورلغنك مقری ایدی. بر چوق تبدلاتدن صكره (١٧٨٨ م و ١٢٠٣ ه) تاریخنده رؤسای قبائلك و (١٨٤٧ م و ١٢٦٤ ه)ده انكلیزلرك یدینه دوشمشدر
لاهور ایالتی — هندستانده بر قطعۀ جسیمه+در شمالاً كشمیر شرقاً تیت غرباً كابل جنوباً مولتان ولایاتی ایله تحدید اولنور و یوزاللی التی بیك كیلومترو مربع اتساعنده اولوب اون ملیون اهالیسی واردر امردسیر و لاهور باشلی شهولری و (سند) اك پیوك شهریدر. هواسی حار و یابس و اراضیسی و باخصوص پنجاب جهتی محصولدار اولوب بغدای توتون پموق شكر و سائره یتشدیرلمكدە+در
لاهور مقدما (فیروز) نام حكمدارك ممالكندن معدود ایدی متعاقباً مستقل و مؤخراً افغان و مغول حكمدارلری حوزۀ ادارەسنه منتقل اولوب اون سكزنجی عصرده شیخلرك تحت تصرفنده اولمق اوزره بر چوق امارتلره تقسیم اولندیغی حالده امرای مرقومه+دن بری اولان (رنجیت سنك) بالاخره فرانسز جنرالی (آلار)ك معاونیتله بورایی ید توحیدینه آلوب قوتلی بر حكمدارلق تشكیل ایلدی و (١٨٤٠ م و ١٢٥٦ ه)ده مومی الیهك وفاتندن صكره وزیری (كلاب سنك)ك اداره+سنه دوشدی ایسه ده اختلالدن كوز اچه+مدیغنه بناء انكلیزلرله بر مقاوله یاپمغه و موجبنجه لاهوری انكلیزلره ویروب و مقابلنده كشمیر حكمدارلغنی آلوب چكلمكه مجبور اولدی اسكی لاهور حكومتنه (پنجاب) حكومتی دخی دیرلر ایدی