لالاند — ارباب نجومدندر (١٧٣٢ م و ١١٤٥ ه)ده
بریس+ده كائن بورغ شهرندن تولد و (١٨٠٧ م و ١٢٢٢ ه) تاریخنده
وفات ایلدی ١٧٥١ ده قمرك كرۀ ارضه اولان بعد و مسافه+سنه دائر
تحقیقات اجراسیچون برلینه عزیمته مأمور اولوب (١٧٥١ م) فنون
اقادمیسنه قبول اولندی ایکی سنه صكره فرانسه مكتبنده نجوم معلمی اولدیغی
جهتله بو خدمتی قرق التی سنه كمال دقتله ایفا ایلدی صكره+لری هرنصلسه
بر نوع جنونه مبتلا اولوب اثر مجذوبیتی اولمق اورزه اورومجك و طرطر
كبی شیلر دییە+رك و بن نیچون زهرەنك حسابنی یاكلش یاپدم و كچدیكنی
كوره+مدم دیەرك عمر كچوردی زیرا بر دفعه زهره یلدیزینك مرورینی
تعیینده قرق دقیقه سهو ایتمش ایدی
برچوق اثرلرندن ماعدا قویرقلی یلدیزلر و زهره+نك معبری حقندە شایان دقت
بر كتابی واردر. و الماناق نامیله چیقاردیغی تقویمی اون التی سنه نشر
ایتمشدر