لاغرانژ — ریاضیوندندر (١٧٣٩ م و ١١٥٢ ه)ده
تورین+ده تولدو (١٨١٣ م و ١٢٢٩ ه) تاریخنده پارس+ده وفات ایلدی
كمال ذكاسنه دلیل اولمق اوزره اون سكز یاشنده ایكن (اولر) نام اهل هنزه
اون سنه حلنه چالشدیغی بر مسئله+نك جوابنی كوندرمش و اون طقوز یاشنده
تورین طوپجی مكتبنه ریاضیات معلمی اولمشدر پارسه ورودنده فنون
آقادمیسی طرفندن بش دفعه ریاضیات مكافاتی قزاندی و (١٧٦٦ م)ده
فنون آقامیسنده ریاست ایتمك ایچون بیوك فردریق طرفندن برلینه دعوت
اولنمسی اوزرینه اجابت ایدرك كیدوب یكرمی سنه اوراده قالدی و فردریقك
وفاتی اوزرینه پروسیایی ترك ایله فرانسه+یه كلوب اون التنجی لوئی طرفندن
مهم مأموریتلرده استخدام اولندی و ناپولیون زماننده دخی برچوق
مناصب و رتب عالیه+یه نائل و سناتویه داخل اولەرق هر زمان مشارالیهدن
تعظیمات فائقه كوردی. لاغرانژ مسائل ریاضیه حلنده كمال اقتداری
جهتیله شهرتنی اوج اعلایه ایصال و هندسه+جە اك مهم قواعدی كشف و اكمال
ایلمشدر و تألیفاتی پك چوق اولوب جمله+سی بحق مظهر قبولدر