لاچین — مصر حكمداری ملك المنصور حسام الدینك
لقبیدر مومی الیه اصلنده المانلی بر اسیر اولوب سلطان قلاوون طرفندن
اسلامه كتورلمشدر شام والیسی تعیین اولندقده عصیان و سلطان عنواننی
اعلان ایلدیسه ده قلاوونك خلفی اولان خلیل الاشرف طوتدیروب (١٢٩٠ م و ٦٨٩ ه)ده قتله محكوم علیه ایتمشیدی اثنای صلبده
ایپی قیرلدیغندن مشارالیه طرفندن عفو ایدلدی لكن لاچین (عاقبت كرك
زاده كرك شود) مضموننه ماصدق اولمقدن فراغت ایتمیوب همان او كیجه
باعث حیاتی اولان خلیل الاشرفی قتل ایدوب روبراه فرار و نهایت اریكه
نشین حكومت اولان سلطان محمد ناصرك صغر سنندن بالاستفاده آشكار اولدی
و درعقب صبی مشار الیهك وصیسی اولان (كت بوغایی) طرد ایله (١٢٩٦ م)ده یرینه كچدیسه ده اوچ سنه+دن عبارت اولان مدت ادارەسنده
طادینی قاچردیغندن امرای دولت عزل و قتل ایلدیلر