لابرنت — متقدمین نزدنده نامتناهی فروع ایله تحت الارض واقع اولان بر طاقم مغاره+لره و مصنوع مخزنلره اهرام دنیلدیكی حالده مؤخراًً بونلره تقلیداً یاپیلان ابنیه+یه دخی بو اسم اعطا اولنمشیدی زمان قدیمده بش اهرام موجود ایدی برنجیسی مریس نام بحیره+ده واقع (مندس) اهرامیدر كه انشاسی بو نامده بر مصر پرنسنه حمل و اسناد اولنور بو اهرام اخیراً موسیو (ژومارد) ایله (برتو) طرفندن بولنه+رق (لهترون) و (لهسیوس) نام ذاتلر معرفتیله وصف و تعریف اولنمشدر. ایكنجیسی اون ایكیلرك اهرامیدر كه (٤۹۲۹ خ) تاریخنده یعنی میلادك التی یوز التمش بش سنه مقدمنده مصرده مشتركاً اجرای حكومت ایدن اون ایكی ذوات طرفندن انشا ایدلمشدر. اوچنجیسی كرید اهرامیدر كه طاش معدنلرنده تحصن یاخود حكمدار خانداننه مدفن اولمق ایچون یاپلمشیدی. دردنجیسی لنمی اهرامیدر كه قابیرلره دین و آیین اجرا ایتمك ایچون مخفی بر التجاكاه
ایدی. بشنجیسی ایتالیاده بولنان قله+زیوم اهرامیدركه انشاسی (پروزە+نه)یه حمل
و اسناد اولنوب اتروسك سردابلرندن بری اولدیغی ظن ایدیلور. بیان اولنان
اهرام یاخود لابرتنلردن یالكز كرید لابرنتنك بعض احوالنه وقوف حاصل
اوله بیلمشدر بو لابرنت قندیه جوارنده واقع طاغك التنده اولوب
اشاغیسندە+كی قپوسندن یعنی بر دلیكدن كیریلور و براز كتدكدنصكرە ایلرو
و یمین یساره طوغرو بر قاچر یوز ارشون غیر منتظم یوللر آیریلور و بو یوللر
بعضاً یكدیكرینه دخی واصل اولور وكیرن آدم بر نشانۀ رجعت اولدقجه
كوح عودت ایده ییلور و درونی غایت مظلم اولدیغندن نهایتسز یراسه
قوشلری بولنور ایمش. بونی قرن حاضرده اوروپا سیاحلرندن برینك بولوب
دروننی طولاشدیغی و شمدی اغزی قپانوب یری غیب اولدیغی بعض
تواریخده كورلمشدر