لغات تاریخیه و جغرافیه

Lugat-ı Tarihiyye ve Coğrafiyye

اردوان / ارتابان

Erdevân / Artaban

اردوان یاخود (ارتابان) — فرس پادشاهلرینك اشكانیان طبقه+سنده بو نامده درت پادشاه كلدی بونلردن برنجی اردوان (٥٣٩٦ خ) تاریخنده یعنی میلادك یوز طقسان سكز سنه مقدمنده یونانیلره غلبه ایدرك ارمنستان كبیری آلوب برادری (اغرشاك)ی صدر اب تعیین ایتدی و كوچك ارمنستان و (پونتوس) و ) قپادوقیا) حكمدارلرینك هجوملرینی دفع و خیلی مملكتلرینی ضبط ایدرك برنجی دولتلر صرە+سنه كچدی. و دردنجی ویاخود بشنجی اردوان (٥٨٢٤ خ) تاریخنده یعنی میلادك ایكی یوز اوتوزنجی سنه+سنده ساسانیلرك هجومیله مغلوب و دولتی منقرض اولدیغندن النده یالكز ارمنستان قالدی. اشكانیلر ارمنستانده سلطنتلرینی یوز طقسان سكز سنه دها محافظه ایده+بیلمشلردر.