اردشیر — فرس حكمدارلرینك دردنجی طبقه+سنی تشكیل
ایدن ملوك ساسانیه+نك برنجیسیدر. بو ذات ملوك فرس حمایه+سنده
مختاریت وجهله اداره اولنان (اسطخر) ولایتنه تابع ) دارابكرد) سنجاغی
امراسندن (ساسان) نامنده بر بهادرك اوغلی ایكن پدرینك وفاتی عقیبنده
باشنه طوپلانان عساكر كثیره ایله میدانه چیقوب ممالك ایرانیه+نك ایالات
جنوبیه+سنی استیلا و (٢٣٠ م یاخود ٢٢٨ م) تاریخنده دولت ساسانیه+یی
تشكیل ایلدی و متعاقباً (اردوان) خامسه دخی غلبه ایدرك ممالك
شمالیه+یی آلوب دولت اشكانیه+نك نام و نشاننی اورته+دن قالدیردی و اون
اوچ سنه+دن عبارت اولان مدت سلطنتنده هیج بر راحت و حضور
كوره+میوب بتون كون محارباتله مشغول اولدی و ٢٣٣ م) تاریخنده
رومایه درتیوز كشیدن مركب بر هیئت سفارت ارسال و روملرك آسیادن
كاملاً ال چكملرینی رسماً تكلیف ایدوب رومالولر دخی ارائۀ سیف ایله
جواب قطعی ویردکلرندن و او اثناده دیکر بر غائله چیقدیغندن سکوته مجبور اولدی