اردشیر ثانی — فرس حكمدارلرینك كیانیان طبقه+سندندر.
بو ذات (٥١٨٩ خ) تاریخنده یعنی میلادك درتیوز بش سنه مقدمنده وفات
ایدن پدری ایكنجی دارانك یرینه جلوس ایلدی و كوچك قرنداشی
) كیخسرو) اناطولی والیسی اولدیغی حالده سلطنت دعواسنه دوشه+رك
تاریخ مذكوردن اوچ سنه صكره (سارد)ده جمع ایتدیكی یوز بیك عسكر
ایله قرنداشنك اوزرینه یوریدیسه ده بابلده ویردیكی بوزغونلقدن بشقه
الینه برشی کچمدی و حین رجعتده طوتیلوب اعدام اولندی و ذكر
اولنان یوز بیك عسكرك ایچنده اولان یونانیلردن انجق اون بیك نفری
قورتیلوب یونانستانه كله+بیلدی.
اشبو اون بیك نفرك یكرمی آیده نه درلو فلاكتلره اوغرایه+رق عودت
ایتدیكی تواریح یونانیه+ده مفصلاً مذكوردر.
اردشیر قرق التی سنه سلطنت سوردیسه ده آخر عمرنده یتشمش
بر اوغلنی قتل ایتدیردیكندن و دیكر اوغلی خائن )اوخوس) دخی سلطنت
كندوسنه قالمق ایچون ایکی قرنداشنك جاننه قیدیغندن بیچاره اختیار اوچ
اولادینك آجیسنه تحمل ایده+میوب (٥٢٣٥ خ) تاریخنده یعنی میلادك
اوچیوز اللی طقوز سنه مقدمنده وفات ایلدی و یرینه خائن مرقوم کچدی.
اردسرك لقبی (بال) ایدی.