لغات تاریخیه و جغرافیه

Lugat-ı Tarihiyye ve Coğrafiyye

اردشیر اول

Erdeşîr-i Evvel

اردشیر اول — فرس حكمدارلرینك كیانیان طبقه+سندندر. بو ذات (٥١٢٩ خ) تاریخنده یعنی میلادك درتیوز التمش بش سنه مقدمنده تخته جلوس ایتدیكی كبی پدری برنجی سرخسك قاتلی ظنیله ایكی برادرینی و عمیسنی قتل ایتدیروب بلا مزاحم امور سلطنتی اداریه باشلادی و مؤخراً پدرینك قاتلی كندو ندیمی اولان خادم اغاسی ایدوكی تحقق ایلدیكندن انی دخی قرنداشلرینك ارقه+سی صره كوندردی و مقدما قدس شریفدن نفق اولنوب بابلده قالان یهودیلری اطلاق و حضرت (عزیر) علیه السلام ایله مملكتلرینه اعاده ایلدی و یونانستانده اعدامنه حكم لاحق اولدیغی جهتله مقدما ایرانه فرار و التجا ایدن قهرمان مشهور (دیمستوقلی)یی حضورینه چاغیروب یونان اوزرینه كوندره جكی اردویه سرعسكر تعیین ایده+جكنی افاده ایلدكده مرقوم دیمستوقلی ایرانیلردن كوردیكی بونجه لطف و حمایه+یه قارشو بو قدرجق بر تكلیفك ردینی مناسب كورمدیكی كبی كندو وطنداشلری علیهنه قیامی دخی حوصله+سنه صیغدیره+مدیغندن كندوسنی اعدام ایتدی و (٥١٤٥ خ) تاریخنده یعنی میلادك درتیوز قرق طقوز سنه مقدمنده آتنه+لولره مغلوب اولوب فرس سفاین حربیه+سنك یونان دكزینه چیقه+مامسی و ایرانیلرك قره+دن سواحل نهایت بر ساعت مسافه+یه قدرانیله بیلمسی كبی آغر بر معاهده+یی امضالیوب مشهور (مدیق) محاربۀ مدیده+سنه نهایت ویردی اردشیرك سلطنتی تمام قرق سنه+در و وفاتنده یرینه كوچك اوغلی ایكنجی (دارا) جلوس ایلمشدر. اوروپالیلر بوكا (ارتكسرس) دیرلر