كلیبولی — اوروپای عثمانیده بر مستحكم شهردر قلعۀ
سلطانیەنك ساحل غربیسی اوزرنده و ادرنه+نك جنوبندن یوز قرق كیلو
متروده اون سكز بیك نفوسی حاوی و كندو نامیله معروف سنجاغك مركز
اداره+سیدر و ایكی كوزل یمنی و سختیان فابریقه+لری واردر و جوارنده
و ساحل بحرده (یازیجی محمد افندی) و برادری حضراتنك چله خانه+لری
و درون شهرده تربۀ مخصوص+لری زیارتکاه خواص و عوامدر
عثمانلیلر اوروپاجه ابتدا بو شهری (١٣٥٦ م و ۷٥۸ ه)ده فتح ایتمشلر
ایدی (كلیبولی سنجاغی) مرمره دكزیتك امتداد طولیسی اوزرنده
طولاً درتیوز التمش عرضاً یوز اللی كیلو مترو اتساعنده اراضی+یی و التی
یوز بیك نفوسی حاوی اولوب قدیم (تراس)ك جنوب و ماكیدونیانك شرقنده
بولنمشدر