كلنبوی — اسعاعیل افندی علوم متنوعه و باخصوص ریاضیه+ده
مشهور آفاق بر ذات اولوب (١٧٩٠ م و ۱۲۰۵ ه) تاریخنده التمش ایكی
یاشنده وفات ایلمشدر مشهور یسنجی و ایاقلی كتبخانەدن تعلم علوم ایدرك پاله
بیق خواجه ایله معاصر اولمشیدی علوم ریاضیه و کلام و سائرەده اوتوز
سكز كتابی واردر مشار الیهك علومده بو درجه عالی كعب اولمسنه سبب
اوله+رق بر قصه نقل ایدرلر شویله كه اون ایكی یاشنده بولندیغی آوان
كلنبه+ده چوجقلرله جویز اوینارایكن اورادن کچن بر اختیار بونی كوردكده (واه واه سنك اجدادك عالم و فاضل ذاتلر ایدی شمدی قالقسونلرده شو سنك حالكی كورسونل) دیه+رك یوزینه توكورمكله كمال خجالتندن همان درسعادته
كلوب تحصیل علومه باشلامشدر
زماننده لوغارتمە+یی اصلاح ایدن اوروپالی بر ذات لوغاریتمە+سنی باب عالی+یه
عرض ایدوب باب عالی طرفندن دخی بو ذاته كوسثرلمش و ایلك نظرده
نه اولدیغنی و نه ایچون نصل ترتیب اولندیغنی اكلایوب نزدنده نسخه+سی
اولمدیغی حالده از وقتده دها مكملنی یاپەرق میدانه قویمشدر کمالی
اوروپاجه دخی شهرت بولدیغنه بناء رسمی النوب اوروپایه كتورلدی دیرلر
لوغاریتمه كلمه+سنه نظر بیوریله