ككبوزه — قرتالك اوچ ساعت ایلروسنده و ساحل بحردن
براز كیروده و صرت اوزرنده شهرامانتنك بر قضا مركزی اولوب اوچبیك
قدر اهالیسی و سلطان سلیمان وزراسندن چوبان مصطفی پاشانك بر كوزل
كاركیر جامع و مدرسه و عمارتی واردر و خانلری و حمامی اولدقجه منتظمدر
و جامع شریف مذكورك دروننده قندیللر صرەسنه آصلمش یشیم آصقیلری
شایان تماشادر شیخ الیاس خلوتی حضرتلرینك و خواجه فضل الله پاشانك بوراده موجود اولان تربه+لری زیارت اولنور