كرجستان یاخود (ژورژیه) — آسیای روسیده بر ایالتدر
شمالاً چركزستاندن كندوسنی تفریق ایدن قاففاسیه غرباً قرە دكز جنوباً ارمنستان شرقاً طاغستان و شروان ایله محدوددر طولاً درتیوز اللی
و عرضاً اوچیوز كیلومترو وسعتنده و ایكی یوز اللی بیك نفوسی حاوی
و مركز ادارە+سی (تفلیس) شهریدر انهار متعدده ایله اروا قلنمقده اولان
اراضیسی غایت منبت و هواسی صیجاق اولوب توت و اوزوم و سائر میوه
و پاموغی كثرت اوزره اولور و التون كموش باقر تیمور قلای یاقوت شاب سیاه
كهربار معدنلری بولنور كرجیلر غایت شجیع و بهادر و نسوانی كوزللكله
مشهوردر و آیریجه بر لسانلری واردر واصللری (٢٩٥٠ خ)
تاریخنه یعنی میلادك ایكبیك التی یوزاللی سنه مقدمنه قدر یوقاری كیتمكده+در
نمرود ایله معاصر اولان (تاغارموس) برنجی قراللری ایدی بونلر اولا
اسكندر رومی+یه وصكره ساسانیلره و (٧٣٢ م و ١١٤ ه)دن اعتباراً عربلره
انقیاد و(٨٦١ م و ٢٤٧ ه) تاریخنده اسلام ادارەسنه انتقال ایلدیلر
و (١٠٢٧ م و ٤١٨ ه)دن (١٠٧٢ م) تاریخنه قدر الپ ارسلان
سلچوقی ضبطنده قالوب اون یدی سنه صكره قراللری اوچنجی داوید
معرفتیله استقلال و بر طاقم فتوحات قزاندیلر ایسه ده كریبان استقلاللری ینه
استیلادن قورتیله+میوب (١٢٤٨ م)ده جنكیزیلره و (١٣٨٦ م)ده
تیمورلنكه فرمانبر اولدیلر و بر عصر صكره كرجستان شرقی عجملره
و غربی عثمانلیلره توب (١٥٨٠ م و ٩٨٨ ه) تاریخنده عثمانلیلر بتون
كرجستانی فتح و تسخیر ایتدیلر و برقاچ كره داها انقلاب كوردكدنصكره
عاقبت (١٧٨٣ م و ١١٩٨ ه) تاریخنده اكثریسی قریم ایله برابر روسیه
تابعیتنه انتقال ایلدی كرجسناندن معدود اولان باطوم سنجاغنك بعض
اراضیسی دخی (١٨٧٨ م و ١٢٩٥ ه)تاریخنده برلین معاهده+سی موجنجه
دولت علیە+دن روسیه+یه کچمشدر