آرخون — اتنه حكومتنی خیلی زمان اداره+یه مأمور اولان
هیئت حاكمه+نك عنوانیدر. اشبو آرخونلق مسندی ٤٥٢٦) خ)
تاربخنده یعنی میلادك بیك التمش سكز سنه مقدمنده اتنه قرالی فداكار
)قودروس)ل اوغلی (مدون)ه پدرینك خاطریچون مكافاة اولمق اوزره
ایجاد و دائمی صورتله وقید حیاة شرطیله اعطا اولنمش و مرقوم و اخلافی
اوچیوز اون درت سنه قدر مستقل بالرأی اوله+رق اداره ایدوب اندن
صكره حكومت مذكوره بر مدت اون سنه+ده بر و بر مدت هر سنه تبدل ایدر
ارخونلردن مركب هیئت معرفتلریله اداره قلنمشدر. اشبو آرخونلر
رأیلرنده سربست اولدقلری حالده مناصب موهومه+یه مأمور تعبیننده و حرب
و صلح و تنظیم قوانین و موازنه اموال خزینه خصوصاتنده آرای اهالی+یه
مراجعته مجبور ایدیلر