كجرات — هندستانده غانژك بریسنده و شبه جزیرەنك شمال
غربیسنده بر ایالتدر طولاً التی یوز وعرضاً ایكیوز اللی كیلومترو اتساعی
و یدی ملیون نفوسی حاوی اولوب بری انكلیزه تابع دیكری مستقل ایكی
قطعۀ جسیمە+یه تقسیم اولنور (دامان) (دییو) شهرلری پورتكیزلرك
مقدما یاپدقلری تأسیسات مشهوره+دندر بوراده اراضی غایت دوز و بطاقلق
اوله+رق انهار متعدده واسطه+سیله اسقا اولنور و پك چوق حبوبات
و نباتات صبغیه و دهنیه یتشدیریلور و واسع اورمانلرنده كلیتلو حیوانات
مضره بولنور
مستقل كجرات اهالیسی اكثریا یغماكر بر طاقم قبائلدن عبارتدر (١٠٢٢ م
و ٤١٣ ه) تاریخنده اهل اسلام هندستانی استیلا ایتدیكی زمان کچراتده
قبائل مذكوره+دن راچویتلر حكم سورمكده ایدیلر تاریخ مزبوردن (١٢٩٧ م و ٦٩٧ ه) تاریخنه قدر مغوللر و (١٣٩٠ م و ٧٩٣ ه)ده تیمورلنك و (١٧٠٧ م و ١١١٩ ه)ده ماهراتلر طرفندن ضبط اولنوب
نهایت (١٧٨٠ م و ١١٩٥ ه)ده قسماً و براز صكره كاملاً انكلیزلرك ید
تسخیرینه کچدی
اسكی هند تاریخلرینك افسانه صورتنده بیاننه كوره كجرات (قرشنا)نك حكمی
التنده ایكن میلادك یوزیتمش سنه مقدمنده (وباللائی)ده واقع (عود)ده
تسلط ایدن ابنای شمس سلاله+سندن (قاناقستا)نك حكمی التنه و اوچیوز
سنه صكره (راچیوت) عشیرتی یدینه کچوب (میوار) نامیله بر حكومت
تشكیل اولنمش و بو دخی برقاچ یوز سنە+دن صكره منقرض اوله+رق سلطنت (شالوكیه) یاخود (شالونغه) سلاله+سنه انتقال ایلمشدر