كثافت — مساوی حجمده مثلا مكعب شكلنده اولەرق مختلف
الجنس ایکی جسم وزن اولنسه اكثریا وزنلری محتلف بولنور بنابرین
برینك وزنی واحد اعتبار اولنوب اجسام سائره+نك وزنلری وزن مذكور
قیاس ایله تعیین اولنور و واحد اعتبار اولنان مقدار جحمك وزنندن
هر نمقداری ایسه اولقدار جسمك كثافتی ویا ثقلت اضافیەسنی تعیین ایلمش
اولور واحد اولمق اوزره درت درجه حرارتده بولنان ماء مقطر اخذ
اولنوب جمیع اجسامك كثافتلری اكا نسبت ایله تقدیر و تعیین اولنمشدر
نعبیر دیكرله حجملری مساوی اولان جسملرك جوهرلری بربرندن زیاده اولوب
اشبو زیاده+لكه كثافت تسمیه اولندی بو نقدیرجه ذهبك بر قدم مكعبنك
جوهری صویك بر قدم مكعبنك جوهرندن اون طقوز كره زیاده اولمغله ذهب
مذكور كثافتنك صوكثافتنه نسبتی بر عددك اون طقوز عددینه نسبتی كبی
اولمش اولور یعنی التونك ثقلت اضافیەسی اون طقوز عد اولنور اجسامك
ثقلت اضافیه+لرینی تقدیر ایچون متعدد آلات ایجاد اولنمش و تعریفات
و تفصیلاتی علم حكمت طبیعیه كتابلرنده مسطور بولنمشدر