كتبخانه — ازمنۀ متقدمه+ده بابحمله اقوام متمدنه+نك كرك عمومی
و كرك خصوصی بر چوق كتبخانه+لری موجود ایدی بونلرك ایچندن
برنجی درجه+یی احراز ایتمش اولانلر (٥٣٠٤ خ) تاریخنده یعنی میلادك
ایكیوز طقسان سنه مفدمنده مشهور بطلمیوس طرفندن تأسیس
و (٦٤٠ م) تاریخنده تخریب اولنمش و یدی یوزبیك جلد رادەسنده كتابی
حاوی بولنمش اولان كتبخانه ایله برنجی (اتال) طرفندن مؤسس برغمه
كتبخانه+سی و پالاتین طاغی اوزرنده اوكوست نام ایمپراطور طرفندن
انشا اولنمش اولان پالاتین كتبخانه+سی و تراژان زماننده روماده تشكیل
اولنان اولپیوس كتبخانه+سیدر قرون وسطاده باربارلرك استیلالری مناسبتیله
فدیم كتبخانه+لرك قسم اعظمی محو و نابدید اولدی بو كتبخانه+لرك
مناسترده محافظه ایدلمش اولان بقایاسندن اكرچه خیلی كتاب استنساخ
اولندیسه ده ال یازوسی ایله اولدیغندن او قدر ترقی ایده+مدی طباعتك
ایجادی دنیانك هرطرفنده كتبخانه+لری مطلوب وجهله كتابه مالك ایتمشدر
و الیوم فرانسه و انكلتره و المانیا و ایتالیا و اسپانیاده معمور و مشهور
كتبخانه+لر موجوددر فرانسه+نك اك بیوك كتبخانه+سنده مقدما اللی بیك
كتاب وار ایكن شمدی التی یوز بیكه بالغ اولدی
بونلره نسبة ممالك دولت علیه كتبخانه+لرنده موجود اولان كتابلر اكرچه
نقصان ایسه ده بونك باشلیجه سببی بو طرفلرده مطبوعاته پك كیج بر زمانده رغبت
اولنمسی و اوروپا كتبخانه+لرنده+كی زنكینلكك سببی دخی هر فن و مثل
و حكایات و سائره+یه دائر یازیلان كتابلر پیدرپی قبول و علاوه+سی اولدی