كپلر — مشاهیر فن هیئتدندر (۱٥۷۱ م و ٩٧٩)ده
ورتنبورغده تولد و (۱۲۳۰ م و ۱۰٤۰ ه) تاریخنده راتسبون+ده وفات
ایلدی فقیر بر فاملیادن نشأت ایدوب ابتدا استیری+ده قریج شهرنده ریاضیات
معلمی اولدی و(١٦٠٠ م)ده بعض ترصدات ایچون بوهمیایه كتدكده
ایمپراطور بیك بش یوز فلورین معاشله اوراده توقیف ایلدی كپلر
قوپرنیقك اصولنی قوی اساسلر اوزرینه وضع و هیئت جدیده+نك مستند
اولدیغی قواعد و قوانین كشف و تعیینه و سیاراتك احوال دوربه و كیفیات
منجذبه وسائره+سنی وشمسك حركات دوریه+سنی و هنوز معلوم اولمیان بر طاقم
سیاراتی كشف و ترصیده و كذلك زماننه دكین یاپیله+میان عرض و طوللری
بر مكملیت فوق العاده ایله حساب و (۱٦۳۱ م)ده شمسك قرصی اوزرندن
زهره و عطارد نام سیاره+لرك عبورینی تحقیقه همت ایتمش و كوزلكلری اكمال
و بر نوع لوغاریتمو جدولنی ترتیب و تنظیم ایلمشدر مشهور (نوتون) بیله
اجرام فلكیە+نك بر برلرینه اولان جذبلرینك جوهرلریله متناسب اولدیغنی
كپلرك حركات اجرام حقنده وضع ایتدیکی قوانیندن استدلال ایتمشیدی