كبر — آتشپرستلره وپریلور بر نامدر كبرلر الوهیتك تمثالی
و اك صاف بر آتشك اصلی اعتقادیله كونشه و دها بعض یلدیزلره طپارلر
و بالاختیار آتشی سویندرمیوب حتی خانه+لری طوتیشەجق اولسه بیله تقید
ایتمزلرایدی عندلرنده غایت مقدس كتاب (زردشت)ك تألیف ایتدیكی مشهور
مجموعه+در كبرلر لطیف صادق خیر خواه و مهماننوازدرلر آتشپرستلك
قدیم زمانلرده عجمستانده حكم سوردكدن صكره اسكندر رومی و اخلافی
و سلوسیدلر زماننده اعتباری منطفی اولمشیدی (٢٢٥ م)ده عجم ساسانی
سلاله+سنك مؤسسی اولان اردشیر بابك طرفندن بر آره+لق احیا ایدلدیسە ده
مؤخراً (٦٥٥ م و ٣٥ ه)ده عربلرك استیلاسی و دین اسلامك اورالره
وخولی اوزرینه (اذاجاء الحق زهق الباطل) مضموننجه ایین آتشپرستی
ایكنجی بر صدمۀ تخریبه اوغرادیغندن بو مذهب طرفدارلری بحر حززك
جهت شمالیسنده كائن نواحئ جبلیە+یه چكیلوب دیكر بر قسمی دخی
هندستانده کچرات ایالتنه التجا ایلمشلردر
الیوم عجمستانده طهران و اصفهان و باغصوص كرمانده كبر طائفه+سی
بولنمقنده ایسە ده قسم اعظملری (بومبای)ده انكلیر حمایه سنده در
بو مبایك شمالنده كائن (دامان)ده مقدس بر اتشكده+لری واردركه بو اتش
بیك ایكیوز سنه دنبرو و بلكه دها زیاده مدت بلا انطفا اشتعال ایتمكدەدر