لغات تاریخیه و جغرافیه
Lugat-ı Tarihiyye ve Coğrafiyye
ی
ه
و
ن
م
ل
ک
ق
ف
غ
ع
ظ
ط
ض
ص
ش
س
ژ
ز
ر
ذ
د
خ
ح
چ
ج
ث
ت
پ
ب
ا
كافرستان
Kâfiristan
كافرستان — افریقای جنوبیده واسع بر قطعه+در بحر محیط هندیدن و نیقرو بورنندن لووابونك نهایتنه قدر ممتد اولور طولاً بیك اوچیوز عرضاً ایکی بیك بشیوز كیلو مترو اتساعی واردر و الیوم كافرستان بحری و كافرستان سفلا ناملرله ایكی+یه منقسم اولوب بر طاقم قبائل مستقله ایله مسكوندر هواسی باخصوص سواحله طوغری غایت صیجاق و اراضیسی بعضاً منبت اولوب داخلاً غایت صرب طاغلری وجسیم قوم چوللری واردر و اکثر محللرنده صویه مضایقه چكمكده+در التون وكموش و باقر و تیمور معدنلری و پك چوق حیوانات وحشیه+سی بولونور كافرلر سیاه جنسندن ایسه+لرده ایری و كوزلدرلر بونلر بینلرنده برچوق شعوب و قبائله تقسیم اولنورلر باشلیجه+لری قوزاس زولو تانبوسی مانبوكی اولوب اشبو قبائل معدوده كافرستان بحریده ساكن و غوكاس مورولونغ یچوانه قبیله+لری دخی كافرستان سفلاده متوطندرلر و جمله+سی جنكاور و اكثریسی بدویدرلر جسیم و كلیتلی اوكوز سوریلرینه مالك اولوب فقط زراعت و صناعتجه پك كیرو قالمشلردر تعدد زوجاته رضا ویررلر مذهبلری (قیش) نام بر مذهبدر اوروپا مسیونرلری بونلری مذهبلردن دوندرمكه پك چوق چالشدیغی حالده مساعیلری ثمرەسز قالمشدر