لغات تاریخیه و جغرافیه

Lugat-ı Tarihiyye ve Coğrafiyye

كاغد

Kâğıt

كاغد — پموق و كتان ویا كنویر پچاوره+لری و پرنج یپراقلری ایله اعمال ایدیلور و اعلا كاغد یاپمق ایچون پموق پچاوره+لرینك خمیرینه اونده ایكی ویا اوچ كتان یاخود كنویر پچاورە+سی قویمق لازم كلور كاغد مقدما مذكور پچاوره+لر بعدالتطهیر قوچیلرده چوریدیلەرك و بیوك طوقماقلرله دوكیلە+رك معجون حالنه قوندقدن و (قلور) واسطەسیله بیاضلدلدقدن صكره الك كبی غایت اینجه دلیكلی قالبلرده یاپیلور ایدی مؤخراً ایجاد اولنان بر ماكنه واسطه+سیله طبقه اوله+رق ویا برقاچ یوز آرشون طولنده یكپاره كاغدلر چیقارلمغه باشلادی كاغد قوررایكن یازویی جذب اتمامك ایچون شاب ایله مخلوط نشاسته قولەسی ویا ساقز صابونی مخلوطیله شربتلنمك لازمدر كاغدی ابتدا مصرلیلر تصور ایتدیلر و پاپیروس صاپلرینك اینجه زارلری ایله بر نوع كاغد اعمال ایلدیلر و بو كاغدلر بر خیلی زمان یونانستانده و مصر و فنیكه و حوالیسنده قوللانیلوب مؤخراً برغمه حاكمی اتال زماننده ترشه+لر میدانه چیقدی پاپیروس كاغدی رومالیلرك مصری استیلاسندن صكره منحصراً همان ایتالیاده مستعمل اولوب اوراده برنجی درجه حوایج ضروریەدن عد ایدلمش و عربلرك مصری ضبطی تاریخی اولان سكزنجی عصره قدر باقی قالوب بو تاریخندن صكره رتبۀ استعمالدن دوشمشدر بعد ازین ایجادی چینلولره حمل و اسناد اولنان پاموق كاغدی كورنمكه باشلایوب اون دردنجی عصرده اسپانیاده ولانس+ده توطن ایدن اسلام هنزورانی كنویر و كتان پچاوره+لرندن كاغد اعمالنی ایجاد ایتمكله بتون ممالك غربیە+ده پموق كاغدینك اعمالی ترك اولندی ایسه ده اوتوز سنه ایچنده كتان پچاوره+لرینك آزالمسی مناسبتیله ایش ینه پموغه چویرلدی (١٧٨٩ و ۱۲۰٤ ه)ده فرانسه+ده (اسون)ده كاغد ایشجیسی اولان (لوی روبر) چوق كاغد یاپمق ایچون بر ماكینه اعمال و چوق صكره اشبو ماكنه+یی انكلتره+یه کچن (دیدوش له ژر) نام ذات اكمال ایلدی و (ادوار قوپر) نام انكلیز مهندسی دخی كاغدی طبقه طبقه كسمك ایچون بر ماكنه یاپدی الیوم فرانسه+ده برچوق جسیم كاغد فابریقه+لری واردر مجلا و بیاض یعنی ترشه+یی اكدیرر اولان یازی كاغدلرینی انكلترەده صوكنجی عصرده (باسكرویل) و ایپك ویا ژوزف كاغدلرینی (ژوزف مونغولفیه) اختاع ایتمشدركه بو كاغدلر اسكیمش ایپكدن ویا اكرلمامش كوكلدن اعمال اولونور چین كاغدی چین قامش قبوغنك ایكنجی اینجه زاری و یا پرنح صمانی و یاخود هند جویزینك داخلی اینجه زاری وتوت اغاجنك كذلك ایكنجی اینجه زاری ایله وعادی و قبا كاغدلر كوزل كاغد معجونلرینك طورتیسی و صمان و قامش و قوقوروز قبوغی و حصیر اوتی و یر الماسی صاپی و پنجار پوصه+سی ایله یاپیلور پریج كاغدلری قادینلر باشلرینه طاقدقلری صنعی چیچكلرك اعمالنده قوللانیور و یشیل ویا كنویردن چیقاریلان لیفلردن یاپیلان كاغدلر غایت شفاف اولور كل رنكلی كاغدلر عادی و ایشه یرامز خمیردن و صارغی كاغدلری اکثریا نصفی یوك و نصف دیكری ایپلكدن مركب پچاوره+لردن یاپیلور