كاشان — عراق عجمده بر شهردر اصفهانك شمال غربیسندن
یوز اللی كیلو متروده واقع اولوب وقتیله حاوی بولندیغی یوز اللی بیك
نفوسه بدل شمدی اوتوز بیك اهالی+یی جامعدر و طپراقدن معمول قلە+لی
سورلری و اوتوز جامعی و اون مدرسه+سی واردر اعمالات حریریه و حالی
و قطیفه و شاللری و پموق و باقر معمولاتی و میوه و سائر محصولاتی
و خصوصاً قاوون و قارپوزی مشهوردر بو شهر هارون الرشید خلیفه+نك
حرمی (زبیده) طرفندن سكزنجی عصرده تأسیس اولندی اون یدنجی
عصرده كریم خان زماننده قسماً حركت ارضدن خراب اولمشدر