قوپرنیق یاخود (نیقولا قوپرنیق) — مشاهیر ارباب هیئتدندر (۱۴۷۳ م و ۸۷۸ ه) ده تورن+ده تولد و (۱۵۴۵ م و ۹۵۲) ده
وفات ایتمشدر اك ماهر و مشهور منجملرله كورشمك ایچون كیتدیكی
ایتالیاده (ریژیومونتانوس) ایله دخی عقد رابطۀ مخادنت و روماده بر مدت
ریاضیاتی تعلیم و تدریسه مداومتدن صكره وطننه رجعت ایلمش و هیئتجه
درمیان اولان بر طاقم اصولی یعنی بطلمیوسك ذهابنی نظركاه تجدید
و محاکمه+سنه المشیدی نهایت بالجمله سیاراتك اطراف شمسده غربدن
شرقه طوغری دوراننه و ارضك بری بالنفس كندو محوری اوزرنده
و دیكری شمسك اطرافنده اولمق اوزره ایكی دوری اولدیغنه حكم ایده
بیلدیسه ده بو كشفنی او وقتلر بعض محذورات مبرمه+یه مبنی اظهار ایده میوب عمرینك صوك كونلرنده اعلانه موفق اولدی (۱۸۲۹ م و ۱۲۴۵ ه) تاریختده
نامنه هیكل رکز ایدلمش و (۱۸۵۹ م) تاریختده تكمیل تألیفاتی طبع و نشر اولنمشدر