ارام — ممالك ارمنیه حكمدارلرندندر و (ارامیان)
سلالۀ حكمرانیسنك برنجیسیدر بوندن اولكی حكمداران (حایق)
سلاله+سندن ایدی. بو ذات تخمیناً (٤٧٥٠ خ) تاریخنده یعنی میلادك
بیك سكز یوز قرق درت سنه مقدمنده نائل سلطنت اولوب ملكنی
قافقاسیه+دن طوروس طاغنه قدر توسیع ایلمش و اخلافی شمالاً كرجستان
و ایمرە+لی و شرقاً كردستان و اذربایجان و جنوباً الجزیره و غرباً اناطولی
حدودلرینه قدر ایلرولمش ایسه ده صكره+لری ممالك سیعه مذكوره پك
چوق تبدلاته اوغرامشدر شویله كه (٤٧٥٠ خ) تاریخنده یعنی میلادك
سكز یوز قرق درت سنه مقدمنده آثور حكمداری )سمیرامیس)ك ید
ضبطنه و مؤخراً برقاچ دفعه ایران و سلوسید و روما دولتلری اداره
و حمایه+سنه كیروب (٥٤٠٥ خ) تاریخنده یعنی میلادك یوز سكسان طقوز
سنه مقدمنده ایكی ولایته منقسم اولدی و هربرری ینه ایران و روما و پونت
و یونان دولتلری اداره و حمایه+لرنده نوبت نوبت دوران ایدوب بعضاً دخی
استقلال بولدیسه ده (١٣٧٣ م و ٧٥٥ ه) تاریخنده تاتارلرك هجوم
و استیلاسی دوامنه مساعده اتمدی و اك صكره بو مملكتلرك برچوغی
ایران و روسیه دولتلرینه و برازی دخی سلچوقیلره انتقال ایدوب اندن
بعضیسی دولت عثمانیه+یه كچدی.