قسطمونی — نام عتیق زیر مانیقوپولیس+در اناطولیده
دولت علیه+نك بر شهری و بو نامده+کی ولایتك كرسئ اداره+سی اولوب
استانبولك جهت شرقیستدن درتیوز كیلومترو مسافه+ده واقع و مع نواحی
یكرمی التی بیك نفوسی و التمش اوچ جامع و مسجد و اون التی مدرسه و اون
ایكی تكیه و اوتوز بر مكتب و اون درت حمام و ایكی قشلەیی جامعدر هر
نوع حبوبات و تفتك و كتان و كندیر و اورمانلرنده كراسته حاصل اولور
وپك كوزل باقر و ایپ اعمال اولنور قیومجیلغی دخی مكملدر و میوه+سی
م و ازجمله (عریانی اریكی) مشهوردر مقدما دها معمور ایدی
قسطمونی ولایتی شمال و شمال شرقده دكزله محدود اولوب قدیم
پافلاغونیانك بر قسمندن تشكل ایلمشدر بوراسی سلچوقیلر زمانندنبرو مستقلاً
اداره اولنمقده اولدیغی حالده (١٣٩٢ م ٧٩٥ ه) تاریخنده حامكی بولنان
طوپال بایزیدك دولت علیه+یه عصیان ایدن افلقلولر ایله ااتفاقی تحقق ایلدیكندن
یلدیرم (بایزید) حضرتلری كیدوب ولایت مذكوره+یی ضبط ایلدی