قزاق — قسماً بدوی بر قومدر وقتیله اسلاو و تاتار اختلاطندن
نشأت ایدوب روسیه ممالكنك جهات مختلفه+سنه طاغلمشلر ایدی باشلیجه
اویماقلری جنوبی روسیه+ده دون نهری سواحلنده ساكن دون قزاقلری و ایكنجی
درجه+ده چوغیف و بوغ قزاقلریدر. قزاقلر اورته بویلی و قوی الینیەدرلر
صورتلرینك هیئت مجموعەسی تاتار نسلندن اولدقلرینی اكدیرر سواریلكده
مهارتلری جهتیله بر قسمی روسیه+نك غیر منتظم سواری عسكرلكنده استخدام
اولندقلری كبی بر قسمی دخی روسیه ایمپراطورلغنك هیئت مستحفظە+سنی
تشكیل ایدرلر و رئیسلرینه خطمان دیرلر هر نقدر رئیسلری روسیه طرندن
تعیین اولنور ایسه ده بعض قوانین و نظامات داخلیه و خصوصیە+لری
و بعض امتیازلری واردر قزاقلر تاریخجه برنجی دفعه اوله+رق اون بشنجی
عصر اواسطنده كورنمكه باشلایوب ابتدا لهلیلر طرفندن استخدام اولندیلر (١٦٥٤ م و ١٠٦٥ ه) تاریخندن صكره لهستانك انقراضنه دكین
جمله+سی روسیه+یه تابع اولدیلر و برقاچ دفعه عصیانلری و بیوك پترو زماننده
اسوج قرالی اون ایكنجی شارل ایله اتفاقلری و قوعبولدیسه ده هیچ بر نتیجه
حاصل ایده+مدیلر