قریم — قدیمده (كیرسینیس توریك) دینور ایدی آوروپای
روسیده و قره دكزده بر شبه جزیره+در شمالاً كندوسنی بره وصل ایدن
پره+قوب دیلی ایله تحدید اولنور اوچیوز بیك نفوسی حاوی اولوب
كرسئ ادارەسی سیواستپول و باشلی شهرلری (اوپاتوریا) (كفه) (یكی قلعه) (بغچه سرای) (كرج) و سائره+در و اراضیسی غایت منبت اولوب نهایت
درجه لطافتله مشهور اولان چایر و چمنلرنده لایعد آت اوكوز قیون سوریلری
بسیلنمكدە+در
قریم اولا توریلر طرفندن مسكون ایدی میلادك یدی عصر مقدمنده دخی
میلیزیه+نلر توطن و بر چوق شهرلر تأسیس ایلدی و (٥١١٤ خ) تاریخنده
یعنی میلادك درتیوز سكسان سنه مقدمنده بوسفور كوچك قرالیتی تشكل
ایدوب مؤخراً اشبو قرالیت ایرانیلر رومالیلر الینلر غوتلر هونلر مجارلر
طرفلرندن متعاقبا تحت اطاعته آلندی و (ژوستنین) التنجی عصر میلادیده
مجارلری اورادن دفع ایلدیسه ده (٦٧٩ م و ٦٠ ه) تاریخنده حززلر
و برچوق وقت صكره قپچاق تاتارلری ینه ضبط ایلدیلر تاتارلر زماننده
وندیكلیلر جنویزلر اوراده بر طاقم تأسیسات وجوده كتوردیلركه اك مشهوری
كفه شهریدر (١٤٧٥ م و ٨٨٠ ه) تاریخنده سلطان محمود ثانی
حضرتلری قریمی ضبط و ادارۀ داخلیه+جه سربستیتنه مساعده و (١٧٨٢ م و ١١٩٧ ه)ده ایكنجی قترینه استیلا ایتدی و (١٨٥٤ م و ١٢٧١ ه) تاریخنده دولت علیه و متفقی اولان فرانسز و انكلیز اردولری حرباً ضبط ایدوب
بدالمصالحه ینه ترك ایتدیلر
قریم — استاوری قریم دخی دینور قریم شبه جزیره+سنك قدیم
مقری اولوب سیواستپولك شرقندن یتمش و كفه+نك شمال غربیسندن یكرمی
ایكی كیلو متروده كائندر كه وقتیله نامنی جزیره ویرمشیدی الیوم التی
یوز خانه+لی بر قریه+در