قریش — حجازده مسكون عرب مستعربه+دن بنی فهر قبیلۀ
قدیمه+سنك نام اخیریدر بونلردن (قصی) نامنده بر ذات وقتیله قبیلۀ مزكوره+یی
بطاح مكەیه جمع ایله ولایت بیتی فتح و ضبط و حكومت ارض حجازی بنی
خزاعەدن اخذ ونزع ایدوب ظهور اسلامه قدر مكه ولایتی قریش قبیله+سی
یدنده قالمشیدی جدامجد جناب رسالتمأب عبدالمطلب و عم اكرم حضرت
نبونی ابو طالب حضراتی دخی عظمای رجال قریشدن اولوب حین ولادت
نبویده یكدیكرینی متعاقب قوم مكه ریاستنه تعیین اولنمشلردر