قراقویا — الیوم اوستریا غالیچیاسنده بر شهر اولوب ویستول
نهری اوزرنده و وارشوەنك ایكیوز قرق سكز كیلو مترو بعدنده واقع و قرق
بیك نفوسی جامعدر دار الفنون و مكاتب عالیه و رهبان مكتبلری و قصر
و سور و خندقلری و پولونیا حكمدارلرندن بر طاقمنك قبرلرینی حاوی بر باش
كلیساسی و بر رصد خانه ایله درت عدد كتبخانه+سی واردر صناعتی
رایج و تجارتی واسعدر قراقویا یدنجی عصر میلادیده قراكوس طرفندن
تأسیس اولندی (١٣٢٠ م دن ١٦٠٩ م) تاریخنه قدر لهستانك مقر
حكومتی ایدی مؤخراً لهستانك اوچنجی مقاسمه+سنده اوستریایه ملحق و (۱۷۰۹ م)ده وارشوه بیوك دوقه+لغنك قسمندن معدود اولدیغی حالده(١٨١٠ م) ده تكرار مستقل بر شهر اولوب نهایت (١٠١٠ م) ده
روسیه و اوستریا و پروسیا حمایه+سی تحتنده بر كوچك جمهوریت تشكیل
ایدرك دول ثلثۀ مشارالیم طرفلرندن بیطرفلغی اعلان اولندی و مع مافیه (۱۸۴۷ م و ۱۲۶۳ ه) تاریخنده اوراده ظهور ایدن بر اختلالی بهانه
و كویا اعانه ایدن اوستریا دولتی طرفندن ضبط اولندی