لغات تاریخیه و جغرافیه

Lugat-ı Tarihiyye ve Coğrafiyye

ادفو

ادفو — صعید مصرده و نیلك جانب یسارنده و ایكی میل بعدنده بر شهردر و شمدی نفوسی ایكی بیك رادە+سندە+در بوراده پك چوق اثار عتیقه بولنور و بطلمیوسك فرعونلر زماننده+كی بنالر سمنده یاپدیغی ایكی عدد جسیم بنا كورینور بو بنالرك بیوكی اوچ قات اولوب هر قاتك پنجره+لری ارسنده قبارتمه معبود و قهرمان شكللری واردر و زمیندن سقفنه قدر داخله طوغری مائل اولدیغندن سقفنك وسعتی الت قاتنك وسعتندن نقصاندر. وقتیله بوراده علمای اسلامیه+دن خیلی ذوات یتشدی و (ابوبكر الادفوی) دخی انلردن بری ایدی