لغات تاریخیه و جغرافیه

Lugat-ı Tarihiyye ve Coğrafiyye

قاربون / (فحم) کمور

Karbon

قاربون یاخود (فحم) کمور — رایحه و لذتدن عاری و غیر مذاب و هوادن متأثر اولمز بر جسم بسیطدر زیاده+جه حرارتله مولد الحموضه ایچنده ینارق حامض فحمی+یه منقلب اولور فحم الماس ایله غرافیت (قورشون قلم معدنی) دنیلان ماده+یی حصوله كتورر قاربون طبیعتده بشقه صورتده دخی موجود اولوب بعضیلری مواد زفتیه و معدنیه ایله دخی مخلوط بولنوركه معدن كموری یعنی واپور كموری دیمكدر قرستاللانمش اولان قاریونه الماس دیرلر اغاج كموری ناقل الكتریق اولدیغی كبی تماس ایتدیكی غازلردن دائما بر مقدارینی بلع ایدر حتی غاز آمونیاقدن (نشادر روحی) طقسان كره كندو حجمی مقدارینی اخذ ایده بیلور و تسخین و احراق اولندقده بو غازلر خروج و هوا ایله اختلاط ایتمكله حامض فخمی نام غاز وجوده كلوركه قپالو بر محلده اولدیغی حالده انسانی تحمیم ایدر عادی كمور رنك و تعفنی ازاله ایدر انك ایچون سركه و بالق یاغی مثللو رنكلی مایعات كمور توزندن سوزلدكده لونی زائل اولور و متعفن و بولانق صولر بو یولده كسب رقت و صافیت ایلر