قادسیه — ایرانك قدیم پای تختی اولان مداین شهرینك جانب
غربیسنده و كوفه قربنده بر شهردر حضرت ابراهیم علیه السلام بورایه
اوغرادقلری صره+ده رأس سعادتلرینی بری غسل ایدوب (قدست من ارض)
بیورملریله قادسیه تسمیه اولندیغی مرویدر
قادسیه هجرت نبویه+نك ١٤ ویا ١٥ یاخود ١٦ سنه+سی شوالنده جانب
جناب (عمر)یدن مأمور سعد بن ابی وقاص رضی الله عنهما معرفتیله فتح
اولنمشدر و بو محاربه+ده عجملرك سركرده+سی اولان رستم اصحاب
كرامدن عمر و بن معدئ كرب النده تلف اولەرق اهل اسلام برچوق اموال
و اشیا اغتنام ایلمشدر مومی الیه رستم اولجه فن نجوم واسطه+سیله استیلای امت
محمدیە+یی كشف ایلدیكندن ناشی عربله جنكه راضی اولمدیغی حالده كویا
شاه یزدجردك ابرامی كندوسنی بیله بیله بو مهلكه+یه صوقمشدر بو رستم
ارامنەدن اولوب مشهور رستم داستان دكلدر انك ایچون (رستم) كلمه+سنه مراجعت بیوریله