قاپیله — هند فیلسوفلرندندر و سان كیا دنیلان مسلك فیلسوفینك
مؤسسیدر اشبو مسلك كاملاً وجود صانعی انكار و خلقتی طبیعته
حمل و اسناد ایله دنیایی بر جای ابدی عد و اعتبار ایدر و ایکی مادۀ ابدیه+نك
بقاسنی التزام ایلر ایدی مذكور ماده+لرك بری ذكورت دیكری طبیعتدركه
بونلردن ذكورت مبنع و طبیعت حیات و حركتك منشائیدر. حاصلی بو طریق
فلسفه بالتمام مادیاتدن عبارتدر. قاپیله+یه دائر محقق بر شی بیلنه+مدیغی كبی
بونك خیالی ویا حقیقی بر شخص اولوب اولمدیغی دخی اكلاشیله+مامقدە+در
و بعضیلرك قولنجه طقوزنجی ویاخود اون ایكنجی عصرده طوغمشدر. مذهبنه
دائر معلومات دخی یالكز یتمش ایكی بیتدن عبارت اولوب بونك سانسقری لسانی
اوزره یازلمش و فرانسزجه+یه ترجمه ایدلمش بر مجموعه+سی الیوم موجوددر