ادریس مختنی استانبولی — طریقت علیۀ بیرامیه رجالندن
بر بیوك ذاتدر. درسعادتده چهارشنبه پازاری جوارنده واقع قوناغنده
ارشاد عبادله مشغول اولور و هر صنف بای و كدا ایچون قپوسنی آچیق
بولوندیرر ایدی بو ذاتك فوق العاده شهرتی اولدیغی حالده درویشلری
و قومشولری بیننده اسمی (علی بك) و خارجده (شیخ ادریس) اولدیغندن
چوق كمسه+لر ایكیسی بر ذات اولدیغنی بیله+مزلر و بعضیلری سوء حالندن
بحث ایدوب بعضیلری كمال و كراماتنی سویلرلر ایدی حتی برطاقم كندیلرینی
بیلمزلر (شیخ ادریس بر اویغونسز آدم ایمش و برچوق مسلمانلری اضلال
ایدیور ایمش) دیدكلرینه و جامعلرده كرسی شیخلری عن جهل
مذمت ایتدیكنه بناء جانب مشیختدن خلی وجلی تحریسنه قیام اولندیسه ده
شیخ ادریس نامنك صاحبنی بولمق ممكن اوله+مدی. مشار الیهك
قوناغنده قرق التی سنه+دنبرو كیجه كوندز اللی التمش نفر مرید وزوار
موجود اولدیغی و قیوسی هركس ایچون آچیق بولندیغی حالده نااهللردن
شو صورتله اختفاسی پك بیوك كرامتدر و قطب الزمان اولدیغنده شبهه یوقدر
خواص اصحابی قرق چشمه+ده پشمالجیلر خانی دروننده طوقویجیلق ایله مشغول
و متعیش اولورلر ایدی بعض كتب صوفیه+ده محرر اولان (خواجه علی
الرومی الخیاط) دخی بو ذاتدر و وفاتی (١٦١٥ م و ١٠٢٤ ه) تاریخنده و قبری
قاسم پاشا اوزرنده+در.