ادرس بدلیسی یاخود (تبلیسی) — رجال اعجامدندر. بو ذات
رجال ایرانده آق قیونلی حكومتنده موقع اولدیغی حالدە شاه اسماعیل فتنه+سنده
اورادن صاوشوب دولت علیه+یه التجا ایلدی و مسلم اولان فضل و كمالنه
بناء نزد سلطان (سلیم) خانیده پك بیوك بر موقع طوتدی و ایران حمایه+سنده
اولان قبائل اكراد و اعجامی جلب و تألیفه مأمور اولدیغندن كیدوب
اكثریسی اكراددن یكرمی بش قدر قبائل جسیمه+یی دولت علیه حمایه+سنه
آلدی و سلطان بایزید خان ثانی حضرتلرینك امریله )هشت بهشت) نامنده
بر تاریخ عثمانی و مذهب روافضی رد ضمننده بر كوزل كتاب تألیف ایلدی
ایوب انصاری جوارندە+كی ادریس كوشكی و چشمه بونك و اوراده+كی مسجد
زوجه+سی زینب خاتونكدر و وفاتی (١٥١٥ م و ٩٢١ ه) تاریخنده+در