ابراهیم الحلبی — علمای ذوی الاحترامدندر شام شریفده و مصرده
علم تفسیر و حدیث و فقهی تحصیل و تكمیل ایتدكدن صكره درسعادته كلوب
سلطان محمد جامع شریفنه خطیب اولدی و منیة المصلی اوزرینه ایكی شرح
یازدی و (ملتقی الابحر) و (طبقات الحنفیه) كبی خیلی كتاب تألیف ایتدی
الیوم مشهور اولان كتاب الحلبی منیة المصلینك شرح صغیریدر. بو ذات
دائما خانه+سنده عبادات و تألیفات ایله مشغول اولوب كمسه ایله كوروشمز
و جامع شریفه كیدركن راست كلنلره مرحبادن بشقه سوز سویلمز ایدی.
سنی طقسانی متجاوز اولدیغی حالده (١٥٤٩ م و ٩٥٦ ه) تاریخنده وفات
ایدوب ادرنه قپوسی خارجنه دفن اولنمشدر.
راغب پاشا خواجه+سی دیمكله مشهور مصنفیندن (سیر جلبی) مؤلفی
مصطفی الحلبی بشقه+در.